Olma 2012

Grüezi mitenand! Momentan geniessen die St. Galler ihre Olma!Auch ich war für Euch mit der Kamera in der Olma-Stadt unterwegs ;o) Einige Bloggerinnen wünschen sich von mir schon soooo lange einen Post in meinem Ostschweizer Dialekt,d.h. so, wie mir mein Schnabel gewachsen ist ;o) Ich glaube zum heutigen Post passt der Ostschweizer Dialekt perfekt.Ich hoffe, Ihr könnt alles verstehen. Ansonsten wird die Übersetzung nachgeliefert ;o) 
Jedes Johr im Oktober isch z'San Gallä d'Olma. Wa d'Olma genau isch, da chönd Ehr do noläsä (klick).

Churz vor dä Olmä weered i dä Umgebig Plakat ufghengt.Jedes Johr het's es anders Plakat.Da Johr isch's en wunderschöne Schäräschnett vo dä Jolanda Brändle.Wer die begobti Frau isch, da chönd Ehr do noläsä (klick). 
Gaschtkantön da Johr a dä Olma send Glarus und Zug. Zo dä Olma ghört au immer dä Johrmart.Am Morge isch do no ales ganz schtill und läär....
D'Marroni muänd z'erscht brötläd wärdä....
und au uf em Grill hät's no ka Wörscht....
Doch bald schmeckt's do vo guete Brodwörscht....natürli "ohni Senf" ;o))))
Uf em Rieserad han i di erschte Olma-Gäscht atroffe!
Doch söss isch äs do no zimmli ruig! Vor dä Olma-Hallä hät's ganz vill gsunds Gmües!
 Küäh sind au scho ganz hungrig ;o) Am Morge het's nonöd so vill Lüüt!

Doch ab em Mittag heisst's mengmol aschto und warte!

Es hät aber immer dänig, wo müend drängelä....das schneller drachämed ;o) Fascht aläs cha mer a dä Olma chaufe.Maschine, Möbel, Chuchigrät und no vill meh! Gsehnd Ehr dä Vogel?I nöd ;o)Da isch en Vogel, wo meer nöd chönd gseh, aber d'Vögel gsehnd en!

Da Johr cha mer au dene begobte Buurefraue bi erem Handwärk zueluegä.
Au i dä Olma-Arena isch immer vill los!
  D'Olma goht no bis am Sunntig, 21. Oktober.

Nochhär wert wieder ufgrummt..... und i dä Schtatt wert's wider ruig! 
Ich hoff, dä chlii Rundgang dur d'Olma hät Eu gfalä.Dankä, das Ehr mitcho sind und....

Es würde mich freuen, wenn Ihr morgen nochmals bei mir reinschauen würdet.Morgen erzähle ich Euch ein bisschen von mir und dann....ja dann möchte ich gerne von Euch noch etwas wissen. Also dann....tschüss und bis morgen! Herzlichst EureYvonne