Olma 2012

Grüezi mitenand! Momentan geniessen die St. Galler ihre Olma!Auch ich war für Euch mit der Kamera in der Olma-Stadt unterwegs ;o) Einige Bloggerinnen wünschen sich von mir schon soooo lange einen Post in meinem Ostschweizer Dialekt,d.h. so, wie mir mein Schnabel gewachsen ist ;o) Ich glaube zum heutigen Post passt der Ostschweizer Dialekt perfekt.Ich hoffe, Ihr könnt alles verstehen. Ansonsten wird die Übersetzung nachgeliefert ;o) Olma 2012
Jedes Johr im Oktober isch z'San Gallä d'Olma. Wa d'Olma genau isch, da chönd Ehr do noläsä (klick).
Olma 2012
Churz vor dä Olmä weered i dä Umgebig Plakat ufghengt.Jedes Johr het's es anders Plakat.Da Johr isch's en wunderschöne Schäräschnett vo dä Jolanda Brändle.Wer die begobti Frau isch, da chönd Ehr do noläsä (klick). Olma 2012
Gaschtkantön da Johr a dä Olma send Glarus und Zug.Olma 2012 Zo dä Olma ghört au immer dä Johrmart.Am Morge isch do no ales ganz schtill und läär....Olma 2012
D'Marroni muänd z'erscht brötläd wärdä....Olma 2012
und au uf em Grill hät's no ka Wörscht....Olma 2012
Doch bald schmeckt's do vo guete Brodwörscht....natürli "ohni Senf" ;o))))Olma 2012
Uf em Rieserad han i di erschte Olma-Gäscht atroffe!Olma 2012
Doch söss isch äs do no zimmli ruig!Olma 2012 Vor dä Olma-Hallä hät's ganz vill gsunds Gmües!
Olma 2012 Küäh sind au scho ganz hungrig ;o)Olma 2012 Am Morge het's nonöd so vill Lüüt!
Olma 2012
Doch ab em Mittag heisst's mengmol aschto und warte!Olma 2012
Olma 2012
Es hät aber immer dänig, wo müend drängelä....das schneller drachämed ;o)Olma 2012 Fascht aläs cha mer a dä Olma chaufe.Maschine, Möbel, Chuchigrät und no vill meh! Gsehnd Ehr dä Vogel?I nöd ;o)Da isch en Vogel, wo meer nöd chönd gseh, aber d'Vögel gsehnd en!Olma 2012
Olma 2012
Da Johr cha mer au dene begobte Buurefraue bi erem Handwärk zueluegä.Olma 2012
Au i dä Olma-Arena isch immer vill los!Olma 2012
 Olma 2012 D'Olma goht no bis am Sunntig, 21. Oktober.
Olma 2012
Nochhär wert wieder ufgrummt.....Olma 2012 und i dä Schtatt wert's wider ruig! Olma 2012
Ich hoff, dä chlii Rundgang dur d'Olma hät Eu gfalä.Dankä, das Ehr mitcho sind und....
Olma 2012
Es würde mich freuen, wenn Ihr morgen nochmals bei mir reinschauen würdet.Morgen erzähle ich Euch ein bisschen von mir und dann....ja dann möchte ich gerne von Euch noch etwas wissen.Olma 2012 Also dann....tschüss und bis morgen! Herzlichst EureYvonne