Frohe Weihnachten
Draussn schneids und es is koid,
ganz weiß san d´Felda und da Woid,
d´Viecherl suacha wos zum fressn,
d´Mama machd as Weihnachdsessen.
Etz is gnua Groas und Grenad gwesn,
no schnäi ins Egg mim grossn Besn,
Gloggngleid klingt aus da Stubm,
D´Madl san brav und auch die Bubm.
Olle gfrein se scho rechd drauf,
a jeda machd Geschenke auf,
der Bam der leichd im hellen Glanz,
im Ofa schmurgld d´Weihachtsgans.
Da Stress und d´Hektik san fagessn,
a jeda sitzt beim Weihnachtsessen.
Etz is endlich do die grosse Freid,
is doch ganz schee de Weihnachtszeid.
